प्रकाशित मिति: आइतबार, फागुन ०१, २०७३१५:४८0
जनकपुर, १ फागुन । पूर्वप्रधानमन्त्री तथा नयाँ शक्ति नेपालका संयोजक डा. बाबुराम भट्टराईले पूर्वप्रधानमन्त्री एवम् नेकपा एमालेका अध्यक्ष केपी शर्मा ओलीका कारण सिके राउत प्रवृत्ति हावी भएको आरोप लगाएका छन् ।
जनकपुरमा आइतबार पत्रकारहरुसँग कुरा गर्दै भट्टराईले मुलुक विखण्डनको नारा लिएका राउतको प्रवृत्तिमा ओलीले मलजल गरेको आरोप लगाए ।
ओली र सिके राउत एउटै सिक्का दुई पाटा भएको समेत टिप्पणी गरेका उनले मधेशमा हावी भएको सिके राउत प्रवृत्तिलाई एमाले अध्यक्ष ओलीद्वारा मलजल भएको आरोप समेत लगाए।
मधेशमा देखिएको समस्या सम्बोधन नभएकै कारण सिके राउत प्रवृत्ति हावी भएको जिकीर गर्दै भट्टराईले मधेशको माग सम्बोधन नगरी मुलुक निर्वाचनमा गए मुलुक गम्भीर संकटमा फस्ने चेतावनी दिए।
Post a Comment